Kurashingga havasim bor xovosliklar

Xovos tumani hokimligi, Sirdaryo viloyati sport boshqarmasi, O'zbekiston belbog'li kurash federaciyasi, Sirdaryo viloyati belbog'li kurash federaciyasi, homiylar hamkorligida o'tkazilgan mazkur xotira turnirida qo'shni Qirg'iziston Respublikasi va Tojikiston hamda mamlakatimizning eng nomdor polvonlari ishtirok etishdi.

SHu elda yashab, kurash davralarining zo'ri bo'lgan, elkasi er ko'rmagan nomdor polvonlar hamda bir paytlar "Michirun" nomi bilan tanilgan va ushbu manzillarni bog'zorlarga aylantirigan, turli xil shirindan shakar uzum navlarini etirishib, xalqimiz dasturxoniga tortiq qilgan zahmatkash insonlar, yani o'sha paytlardagi shirkat rahbarlari, bog'bonlari xotirasi uchun tashkil etilgan belbog'li kurash bellashuvlari shiddatli va murosasiz bo'ldi.

Ayniqsa, ha desa har qishlog'idan yuzlab polvon bo'y ko'rsatadigan, asli naslida polvonlik qoni ufurib turadigan xovosliklarning kurashini ko'p sonli belbog'li kurash muxlislari shodu xurramlik bilan olqishlab turishdi.

Ochig'i, biz ham bellashuvlarni kurash maydonida turib kuzatdik va shu erlik aholining milliy sport turimiz belbog'li kurashni ashaddiy shaydosi ekanligiga, polvonlaridan g'ururlanishiga havas qildik. 

Sayil kurashi tarzida o'tgan ushbu turnirda Behruz Abdualiev, SHerdor G'ofurov, Husan Abduhakimov, Umidjon Xolmatov, Akrom Alijonov, Bo'ston Gurgunov, Manguberdi Imyanov, Baxtiyor Jumaboev, Umid Ortiqov, Muhammad Qodirov, Azamjon Anvarjonov singari polvonlar raqiblarini engib, tashkilotchilar va homiylar tomonidan qimmatbaho sovrinlarga ega bo'lishdi.

Ilhom RAHMONOV tayyorladi