Kurashning 2022 yilgi Osiyo o'yinlari dasturidan rasman o'rin olgani tasdiqlandi

Tailand poytaxti Bangkok shahrida bo'lib o'tgan Osiyo Olimpiya Kengashining sessiyasida Xangjou-2022dagi sport turlari tasdiqlandi. Unga ko'ra 40 ta sport turi bo'yicha musobaqalar rasman o'tkaziladi. Jakarta-2018 da sport turlari soni 42 tani tashkil etgan. Sportchilar soni ham 11720 dan 10000 nafarga kamayishi aytib o'tildi. 2010 yilgi Guanchjou va Incheon-2014 o'yinlarida rasman musobaqalar o'tkazilib 2018 da chetlashtirilgan kriket ham 2022 yilgi Osiyo O'yinlari dasturidan o'rin egalladi.

Noolimpiya sport turlari orasida shaxmat, jiujitsu, kabbadi, kurash, sepak takrav, rolikda uchish va ushu ham Hangjou-2022 rasmiy dasturiga kiritildi.

Eslatib o'tamiz, o'tgan hafta Xalqaro Kurash Associaciyasi prezidenti Haydar Farmon 2022 va 2026 yilgi Osiyo O'yinlarida kurash bo'yicha bellashuvlar jami 17 ta vazn toifasida o'tkazilishi haqida aytib o'tgandi. 

Takidlash kerak, Tailand poytaxtida o'tgan kongressda O'zbekiston Milliy Olimpiya qo'mitasi raisi Umid Ahmadjonov Osiyo Olimpiya Kengashi vice-prezidenti etib saylandi.

O'zbekiston kurash federaciyasi matbuot xizmati