Kurashning YUNESKO tomonidan etirof etilishi yo'lida muhim qadam tashlandi

SHu maqsadda O'zbekiston Respublikasi Sport vazirligi, Xalqaro kurash associaciyasi, O'zbekiston kurash federaciyasi, etakchi sport mutaxassislari, madaniyat, sport va meros sohasi ekspertlari YUNESKOning mintaqaviy vakillari bilan hamkorlikda keng miqyosli ishlar olib  borilmoqda.  

Takidlash joizki, kurash sportini insoniyat nomoddiy madaniy merosi sifatida YUNESKO tomonidan etirof etilishi O'zbekistonning boy madaniy va tarixiy merosini dunyo miqyosida tan olishga qaratilgan yirik qadam sanaladi.  

Ota-bobolarimizdan meros kurash nafaqat jismoniy mashg'ulot, balki o'zida insonparvarlik, halollik va olijanoblik kabi umumbashariy qadriyatlarni mujassamlashtirgani bilan ham xalqaro maydonda etibor qozonmoqda. Mazkur jarayonlarni tashkil etish borasida Xalqaro kurash associaciyasi, O'zbekiston Respublikasi Sport vazirligi, Xalqaro kurash instituti, O'zbekiston kurash federaciyasi va YUNESKO ishlari bo'yicha milliy komissiya vakillaridan iborat ishchi guruh tomonidan nomzodlik hujjatlari ishlab chiqildi.  

Ushbu masalaga bag'ishlangan yig'ilishda ishtirok etgan sport vaziri Adham Ikromov Xalqaro kurash associaciyasi, madaniyat, sport va meros sohasining etakchi vakillari, kurash mutaxassislari, YUNESKO xalqaro hukumatlararo tashkilotining O'zbekistondagi vakolatxonasi bilan hamkorlikda kurashni insoniyatning nomoddiy madaniy merosi reprezentativ ro'yxatiga kiritilishi bo'yicha bir yil davomida nomzodlik loyihasi tayyorlanishini bildirib o'tdi.  

Unga ko'ra, nomoddiy madaniy meros obekti – kurash bo'yicha malumotlar bazasi shakllantirildi. Bu jarayonda O'zbekiston Respublikasi sport vazirligi, Xalqaro kurash instituti va O'zbekiston kurash federaciyalari bilan amaliy ishlar olib borilmoqda.  

Aytish lozim, bugungacha O'zbekiston tomonidan YUNESKOning nomoddiy madaniy merosi ro'yxatiga Navro'z bayrami, palov madaniyati va ananalari, askiya, katta ashula, Boysun tumanining madaniy muhiti, shashmaqom va baxshichilik sanatlari kiritilgan.  

Yig'ilish davomida kurashning ushbu ro'yxatga kiritilishi borasida amalga oshirilishi lozim bo'lgan ishlar to'g'risida malumotlar taqdim etildi. Bu jarayon esa kelgusida sportning madaniy rolini tan olishda katta ahamiyatga ega ekani takidlandi.