La Liga mavsumida VARning eng ko'p qarorlari "Real"ga qarshi qabul qilingan – 16 ta, "Barsa"ga qarshi – 7 ta!

AS hisob-kitoblariga ko'ra, "Real" va "Alaves" VAR qarorlaridan eng ko'p zarar ko'rgan – o'tgan mavsumda hakamlar qarorni 16 marta ularning zarariga o'zgartirgan. SHu bilan birga, ular foydasiga ijobiy qarorlar 9 va 8 marta bo'lgan.

Videohakamlarning ijobiy aralashuvi bo'yicha etakchi "Barselona"dir – 7 ta qaror ularga qarshi va 16 ta klub foydasiga. Bundan tashqari, "Real" bekor qilingan gollar soni bo'yicha etakchi – 8 ta. Undan keyin "Vilyarreal" (6 ta).

"Las-Palmas" (6 ta) va "Barselona" (5 ta) raqiblarining bekor qilingan gollari soni bo'yicha etakchi. VARdan so'ng eng ko'p 11 metrlik jarima zarbalarini "Atletik" oldi (7 ta). "Barselona" va "Osasuna"da 5 tadan penalti, "Real" va "Atletiko"da esa 4 tadan.

Qizig'i shundaki, "Real" va "Alaves" VARdan so'ng raqiblarining chetlatilishidan eng ko'p foyda ko'rgan – ikkala klubda ham 4 ta holat.