Lautaro bolaligi haqida: "Ijaraga pulimiz etmagani uchun qariyb 3 yil otamning do'stinikida yashadik"

– Siz boy oilada ulg'aymagansiz. Argentinadagi bolaligingiz qanday o'tgan?

– Vaziyatni tushuntirishga harakat qilaman. Otam futbolchi edi. U professional darajaga chiqib, V Seriyaga etganida, Baiya-Blankadagi harbiy-dengiz bazasidagi aviamexaniklik ishini tashlab ketgan. Otam to'p tepadigan jamoa quyi ligaga tushib ketgach, oilani boqish uchun pul etmay qoldi. SHundan so'ng u keksa yoshdagi insonlarga qarovchi bo'lib ishlay boshladi, onam esa uy xizmatchisi sifatida ozgina pul topardi. Oilada uchta farzand edik va uyda doim pul etishmovchiligi sezilardi.

– Egulik ham tez-tez tugab turarmidi?

– To'g'risini aytsam, unchalik emas. Akam va ukam bilan kim ko'proq eyish bo'yicha musobaqa o'ynardik. Ammo kechki ovqatni kutayotganda qornim ochganini his qilganim haliyam yodimda. Bundan tashqari, ijara haqini to'lay olmasdik. SHu sababli qariyb uch yil davomida otamning bir do'stinikida yashadik. U erda vaqti-vaqti bilan elektr energiyasi uchun atigi 100 peso (hozirgi kurs bo'yicha taxminan 6 evrocent) to'lab turardik, xolos.

– O'sha davrlardan xotirangizda nimalar qolgan?

– O'sha kunlarni eslasam, yuzimga tabassum yuguradi. Men baxtli edim, chin yurakdan baxtli edim. Meni haqiqiy erkak sifatida shakllantirgan o'sha tuyg'ularni yana bir bor his qilishni istardim. Ota-onam tufayli kamtarlik va hurmat nima ekanligini o'rgandim, hozir esa bu fazilatlarni o'z farzandlarimga singdirib kelyapman, - dedi Lautaro.