LeBron Jeyms Abdul-Jabborning yana bir rekordini yangiladi

"Leykers" etakchisi NBA pley-off bosqichida ikki ochkolik zarbalar soni bo'yicha yangi etakchiga aylandi. Bu ko'rsatkich bo'yicha u afsonaviy Karim Abdul-Jabbordan o'zib ketdi.

Hozirda Jeyms pley-off bosqichida 2364 (ikki ochkolik) ochko to'plagan. Abdul-Jabborda bu ko'rsatkich 2357. NBA'ning ushbu mavsumida LeBron Abdul-Jabborning yana bir rekordini yangilagandi. 8 fevral kuni "Oklaxoma-Siti Tander" bilan o'yinda Jeyms ligadagi ochkolar soni bo'yicha undan o'tib ketdi. O'shanda Jabborda 38 387 ochko, LeBronda esa 38 390 ochko bor edi.

Eslatib o'tamiz, NBA pley-off bosqichi yarim final ceriyasining to'rtinchi o'yinida "Golden Steyt Uorriorz" "Leykers" ustidan g'alaba qozondi (104:101, seriyada 3:1). Jamoalar beshinchi o'yinini 11 may kuni San-Franciskoda o'tkazishadi.