Leon Edvards Islam Maxachevga qarshi ehtimoliy jangga munosabatini bildirdi

Islam yakshanba tongida Nyuarkda o'tgan UFC 302 turnirida amerikalik davogar Dastin Poreni beshinchi raundda bo'g'ish usuli bilan mag'lubiyatga uchratib, o'ziga tegishli UFC chempionlik kamarini uchinchi marotaba himoya qilgandi. O'sha jangdan keyin Maxachev endigi asosiy maqsadi yarimo'rta vazn kamarini qo'lga kiritish ekanini ham aytgan edi. 

"U endigina engil vaz toifasidagi kamarini himoya qildi. Bu Islam uchun birinchi chempionlik himoyasi bo'ldi. Aleksandr Volkanovski bilan bo'lgan ikkita jangni men chempionlik himoyasiga qo'shmayman. Maxachev men bilan jang qilishdan oldin o'zini vaznida ikki-uch marta kamarini himoya qilib olsin. Keyin yarimo'rta vazn haqida o'ylasa yarashadi. Ha, bu katta jang bo'ladi. Lekin mening hali vaznimda qiladigan ishlarim bor. Keyinroq bu superjang haqida o'ylab ko'rsa bo'ladi", - dedi britaniyalik chempioni SkySports kanaliga bergan intervyusida. 

Etiborlisi, Edvardsning o'zi ham ikki vazn toifasida chempion bo'lishni maqsad qilgan. 

"Kelasi yil ikkinchi chempionlik kamari uchun urinib ko'raman. Bu yil men o'z kamarimni ikki bor himoya qilaman. Bu bilan chempionlik himoya janglarim to'rttaga etadi. Kelasi yili yana bir marotaba himoya jangini o'tkazaman. SHunda kamarimni besh marotaba himoya qilgan bo'laman. SHundan keyin kelasi yilning oxirlarida o'rta vazn toifasi chempionlik kamari uchun jang qilaman. Mening maqsad va rejalarim shunday", - deya so'ziga yakun yasadi Edvards. 

Eslatib o'tamiz, Leon Edvards 27 iyul kuni Manchester shahrida o'tkaziladigan UFC 304 turnirida amerikalik Belal Muhammadga qarshi oktagonga chiqadi. Katta ehtimol bilan Islam Maxachevning keyigi raqibi engil vazn reytingida birinchi o'rinni egallab turgan Arman Carukyan bo'ladi.