"Lids" "Real" afsonasi uchun taklif bilan chiqdi

Angliya chempionatida murabbiylik bahslari davom etadi. "Lids Yunayted" yaqinda Jessi Marshga chiqish eshigini ko'rsatdi. Bu murabbiy o'tgan mavsumda Marselo Belsadan keyin jamoaning ligada qolishiga yordam bergandi. Ammo "Lids" bu mavsumda ham quyi ligaga tushib ketmaslik uchun kurashadi. Malum bo'lishicha, klub amerikalik o'rniga "qirollik klubi"dan murabbiy olib kelmoqchi.

Raul Gonsales "Real Madrid Kastilya"ga ustozlik qilishda ajoyib ishladi va uning mehnati etibordan chetda qolmasligi aniq.

Bazilar uni hatto "Real" asosiy jamoasi bosh murabbiyi bo'lish darajasidagi salohiyatga ega mutaxassis sifatida tariflamoqda. "Lids Yunayted" uni Marshdan keyingi bosh murabbiy bo'lishini istayotgan ko'rinadi.

Raul Gonsales unga taklif kelib tushganidan bir necha soat o'tib APL vakilining qiziqishiga rad javobini berdi. Klub afsonasi mavsum o'rtasida yangi klubga ko'chib o'tishni istamaydi.

Raul "Real" tarixidagi eng buyuk futbolchilardan biri hisoblanadi. U murabbiylik faoliyatida ham yutuqlarga erishmoqda. Biroq bu bir kun kelib albatta kattalar bosh jamoasini boshqaradi degani emas. Lekin unda shunday imkoniyat paydo bo'lishi mumkin.

"Lids" katta klub, lekin bu Raulning mavsumning hozirgi nuqtasida "Kastilya"ni tark etishiga asos bo'la olmaydi.