Lobov Konorning Putin bilan uchrashuvi va unga viski sovg'a qilganini esladi

Sobiq UFC jangchisi bo'lgan Lobov Moskvadagi o'sha tarixiy uchrashuvni tashkil qilganlardan biri edi. 

- Siz Konorning Putin bilan uchrashuvini tashkillashtirganingizni aytdingiz. U chindan ham uning uchun muhimmidi?

- Albatta, uni juda hurmat qilardi, u bilan tanishib olmoqchi edi. Konor o'sha paytda janglarda birinchi raqamli, Putin esa siyosatda birinchi raqamli edi. Va bunday voqea, Rossiyadagi jahon chempionati finali, mamlakat prezidenti bilan uchrashish - ulkan sharaf. Konor har doim Putinning muxlisi bo'lgan, u mendan ko'p narsalarni so'ragan.

Biz yana bir narsani loyqalatdik - Proper Twelve’ning eng birinchi shishasini Konor prezidentimizga sovg'a qildi. Bu uning viskisi tarixining qiziqarli qismi, buni ham men tashkil qilganman. Uchrashuv juda tez o'tdi, u erda prezident bilan uchrashmoqchi bo'lganlar ko'p edi. Viskini shaxsan topshirishning iloji bo'lmadi. Boisi, avval uni qo'riqchilarga topshirish kerak edi. Ular tekshirib ko'rishdi, ularning o'z protokollari bor. Keyin u Vladimir Vladimirovichga topshirildi.

Konor sayohatdan juda mamnun edi, uni juda yaxshi kutib olishdi. Familiyasini aytmayman, lekin ismini aytaman - Ruslan, senga katta rahmat, Pasha ham yonimda edi. Yigitlar juda katta yordam berishdi, Konorni shohona kutib olishdi, unga Barvixdagi uyni, menimcha, kuniga 30 ming evroga, qimmat mashinalar, 12 nafar qo'riqchini ijaraga olishdi. Konor Rossiyada birinchi marta edi va bu sayyohatdan yakunda hayratda qoldi.

Vizalarimiz bir kunlik edi, yana bir kunga kechikdik - yo'l-yo'lakay uzaytirishga majbur bo'ldik. Yigitlar Konorga yoqqanini ko'rishdi va vizani yana bir kunga uzaytirishdi", - dedi Lobov "Ushatayka" YouTube kanaliga bergan intervyusida.