Korme Getjini ogohlantirdi: "Bunday qilish yaramaydi"

Agar Jastin Getji UFC engil vazn toifasidagi chempionlik kamarini Konor Makgregor bilan bo'ladigan pul evaziga jang uchun almashtirishga qaror qilsa, u o'zining sport merosiga tuzatib bo'lmas zarar etkazadi, deb hisoblaydi dunyoning eng kuchli ligasi sharhlovchisi Daniel Korme.

"Men qaerdadir uning Konor bilan jang qilish uchun chempionlik kamaridan voz kechishga tayyorligini aytganini o'qidim. Bunday qilish yaramaydi. Bu uning merosiga zarar etkazadi. Tituldan voz kechib, pul uchun qilinadigan jangni jahon chempioni maqomidan ustun qo'yish – noto'g'ri qaror", – dedi Korme o'zining YouTube kanalidagi videoda.

Avvalroq Korme o'z vatandoshining oldida uchta real variant borligini aytgan edi: Arman Carukyan bilan himoya jangi, Iliya Topuriya bilan revansh yoki faoliyatini yakunlaganini elon qilib, chempionlik kamaridan voz kechish. SHu bilan birga, UFC`ning sobiq ikki vazn toifasidagi chempioni Jastin uchun bu variantlarning hech biri oson emasligini takidlagandi. Getji o'z faoliyatidagi eng yaxshi jangini o'tkazib, birlashtiruvchi jangda "El Matador"ni shov-shuvli tarzda mag'lub etdi.

Jastin Getjining o'zi esa yangi yildan so'ng, barcha jarohatlarini davolab, oilasi va jamoasi bilan maslahatlashib, barcha ijobiy va salbiy tomonlarini o'ylab ko'rgach, navbatdagi qadami haqida qaror qabul qilishini malum qilgan.