Madrimov - Krouford jangida yana bitta chempionlik kamari o'rtaga qo'yilishi mumkin

Oqshomning markaziy jangi birinchi o'rta vazn (69,9 kg.gacha) toifasida WBA chempioni Isroil Madrimov hamda amerikalik mashhur bokschi Terens Krouford o'rtasida bo'lib o'tadi. Ushbu chempionlik jangiga yana bitta kamar qo'yilishi aytilmoqda. 

Gap shundaki, bu vaznda WBC va WBO chempionlik kamarlari sohibi bo'lib turgan amerikalik Sebastyan Fundora hamyurti kichik Errol Spens bilan jang o'tkazishga kelishib oldi. Aslida u WBO kamarini majburiy va rasmiy davogar Terens Krouforddan himoya qilishi kerak edi. 

O'zboshimchalik bilan qaror qabul qilgani uchun Fundorani WBO kamaridan mahrum qilishlari mumkin. Butunjahon boks ittifoqi shu bo'yicha navbatdan tashqari yig'ilish o'tkazadi va unda bu masalani muhokama qiladi. 

Agar Fundora haqiqatan ham WBO kamaridan mahrum qilinsa, Krouford va Madrimov o'rtasidagi jang g'olibi WBA bilan birga ushbu chempionlik kamarini ham qo'lga kiritadi.