Madrimov - Krouford kardiga yangi jang qo'shildi. Yana bir mashhur bokschi hamyurtimizning anderkardida ringga chiqadi + POSTER

Oqshomning markaziy jangida super yarimo'rta vazn toifasida WBA yo'nalishi bo'yicha jahon chempioni Isroil Madrimov o'z kamarini amerikalik mashhur bokschi Terens Krouforddan himoya qiladi.

Mazkur boks oqshomi doirasida super yarimo'rta vaznda sobiq WBO chempioni Tim Czyu Verjil Ortis bilan jang qilishi lozim edi. Ammo Czyuning jarohati tufayli ushbu jang bekor qilindi.

Tashkilotchilar kardga yangi jang qo'shishdi. Unga ko'ra, og'ir vazn toifasida amerikalik taniqli bokschi Jared Anderson kongolik Martin Bakole Ilungaga qarshi ringga ko'tariladigan bo'ldi.