Madrimovning vaznidagi chempion Fundoraning navbatdagi raqibi malum

Amerikalik jahon chempioni o'zining navbatdagi jangini kichik Errol Spensga qarshi o'tkazadi. Bu haqda taniqli ESPN jurnalisti va insayder Mayk Kopinger xabar berdi. Xabarda aytilishicha, bu jangda o'rtaga Fundoraga tegishli WBC kamarining o'zi qo'yiladi. Hozircha jang sanasi va manzili aniq emas. 

Eslatib o'tamiz, Spens so'nggi bor 2023 yilning iyul oyida ringda ko'ringan edi. O'shanda u yarimo'rta vazn toifasida mutlaq jahon chempionligi uchun kechgan jangda hamyurti Terens Kroufordga texnik nokaut evaziga yutqazib qo'ygandi. Bu u uchun faoliyatidagi ilk mag'lubiyat bo'lgandi. 

Sebastyan Fundora esa shu yilning 31 mart kuni avstraliyalik Timofey Czyuga qarshi jang o'tkazgandi. "Ti-Mobayl Arena"da o'tgan 12 raundlik to'liq jangda Fundora raqibini ochkolar hisobiga ko'ra taslim etgandi.