Magomed Ankalaev bugungi g'alabasidan so'ng bayonot berdi

"G'alaba qozonganimdan xursandman, ammo jang biroz zerikarli bo'ldi. Ehtiyotkorlik qildim, sababi Santos juda kuchli zarba yo'lladi, shuning uchun, jangimdan unchalik qoniqmadim. Boshqa tomondan olib qaraganda, bu jangda o'zimni sinab ko'rdim — anchadan beri besh raund jang qilishni, butun masofani his qilishni xohlardim va bugun bunga erishdim. 

Bu mening ilk katta jangim edi, masuliyat katta edi. Men yaxshi harakat qildim va buni uddaladim. O'ylashimcha, endi biz katta chaqiruvlarga tayyormiz", - deya takidlagan rossiyalik jangchi turnir yakunidagi matbuot anjumanida.

Ankalaev navbatdagi raqibi sifatida Glover Teysheyra - Irji Proxazka juftligi g'olibini ko'rishni xohlayapti. Lekin tashkilot rahbariyati qaror qilsa, u nomzod jangini ham qabul qilishga tayyor.

"Albatta, titul uchun jang qilishni xohlayman, lekin bu UFC va menejerimga bog'liq. Titul uchun jang qilishga loyiqmiz deb umid qilaman. Yarimog'ir vazn toifasida ketma-ket 8 g'alaba — bu juda qiyin. Bu erda kuchli jangchilar bor, o'ylaymanki, men titul uchun jangga loyiqman. Umid qilamanki, UFC meni bundan ayirmaydi.

Agar titul uchun jang qilmasam, keyingi jangim nomzodlar bilan bo'ladi. Ushbu holatda har qanday chaqiruvni qabul qilaman", - deya so'ziga yakun yasadi Ankalaev.

Eslatib o'tamiz, Magomed Ankalaev bugun Las-Vegasda bo'lib o'tgan UFC Fight Night 203 turnirida titul uchun sobiq davogar Tiago Santos bilan jang qilib, ochkolar evaziga g'alaba qozondi.