“Maktablar ligasi” musobaqalari oldidan kengaytirilgan yig'ilish o'tkazildi

Ushbu yig'ilishda Toshkent shahridagi jami 284 ta umumtalim maktablarining katta jismoniy tarbiya o'qituvchilari, bolalar-o'smirlar sport maktablari va murabbiylari ishtirok etishdi.

Toshkent shahar jismoniy tarbiya va sport boshqarmasi, Xalq talimi bosh boshqarmasi tomonidan o'tkazilayotgan mazkur liga musobaqalarining tartib qoidalari bilan tanishtirildi.
Unga ko'ra, musobaqalar 4 ta bosqichda o'tkazilishi belgilandi. Yani, 1-bosqich maktab bosqichi - 1-17 mart kunlari sinflararo,  
2-bosqich sektor bosqichi - 1 aprel – 25 may kunlari sektordagi maktablararo, 3-bosqich tuman bosqichi - 5 iyun – 31 avgust kunlari  tumandagi sekterlararo, 4-bosqich shahar bosqichi - 5 sentyabr – 29 sentyabr kunlari shahar bosqichidir.

SHahar bosqichiga, tumanlarda 1- va 2- o'rinlarni egallagan jamoalar yo'llanma olishadi.

Musobaqa bosqichlari aylanma tizimida o'tkaziladi.

SHuningdek, mazkur musobaqada aynan shu sport turlari bilan muntazam ravishda shug'ullanib kelayotgan yoshlar ishtiroki taqiqlanadi.
Eslatib o'tamiz, ushbu musobaqalarga jami 30 672 o'quvchi-yoshlar (shundan 15336 nafari qizlar)jalb qilinadi.

SHu bilan birga, musobaqa bosh hakamlari bilan ham tanishtirildi.

Basketbol –  SHukurov Ibrohim  Rixsibaevich. Olmazor tumani 2-BO'SM direktori.  

Voleybol – Qurbonov Mehri Azizbaevna. Mirobod tumani 2-BO'SM direktori.

Gandbol – Turkmenov Muxammadjon Davronovich. Yakkasaroy tumani 2-BO'SM direktori.

SHuningdek, har bir tumanga musobaqalarning quyi bosqichlarini yuqori saviyada o'tkazish, hakamlar bilan taminlash bo'yicha bolalar-o'smirlar sport maktablari direktorlaridan iborat ishchi guruhlari masul etib tayinlandi.

Musobaqalarning tantanali ochilish marosimi 2018 yil 1 mart kuni soat 15:00 da Mirobod tumanidagi sport o'yinlariga ixtisoslashgan bolalar-o'smirlar sport maktabida bo'lib o'tadi.