Mamlakatimizga kelgan xorijlik mutaxassislarga antidoping qoidalari bo'yicha o'quv-seminari o'tkazildi

Ushbu qita birinchiligida 21 davlatdan, umumiy hisobda 250 dan ortiq polvonlar chempionlik uchun bahs olib borishadi. Sportchilar bilan birga delegaciya rahbarlari va murabbiylar shtabi ham poytaxtimizda mehmon bo'lib turishibdi.

Musobaqa doirasida O'zbekiston Milliy antidoping agentligi vakillari tomonidan xorijlik mutaxassislar va sportchilar uchun “Antidoping qoidabuzarlik turlari va doping nazoratini amalga oshirish tartibi” to'g'risida o'quv-seminar o'tkazildi.

Seminar yakunida Xalqaro og'ir atletika federaciyasi vakillari va tashkiliy qo'mita mutasaddilari hamkorlik uchun o'z minnatdorchiligini bildirgan holda Agentlik xodimlariga mamlakatda halol sport targ'ibotini amalga oshirishdagi samarali faoliyatlari uchun maxsus sertifikatlar topshirishdi.

Malumot uchun, Osiyo chempionati 25 iyulga qadar davom etadi va unda mamlakatimiz sharafini 36 nafar iqtidorli sportchilarimiz himoya qiladi.