"Manchester Siti"ga yangi kelgan SHerki: "MYUni yo'q qilish uchun ular bilan o'yinni kutyapman"

Futbolchi bu yil "Lion" tarkibida Evropa Ligasining chorak finalida "Manchester Yunayted" bilan to'qnash kelgan. Birinchi o'yin 2:2, javob o'yini 4:5 hisobida yakunlangan.

"Men bu erga har bir o'yinda g'alaba qozonish uchun kelganman. "Manchester Yunayted"ning "Lion"ni mag'lub etgani yoqmagan, chunki men lionlikman. Endi ularni yo'q qilish uchun o'zaro o'yinni kutyapman", – dedi SHerki.

Futbolchining "Manchester Siti"ga o'tishi 10 iyun kuni malum bo'ldi. Vinger o'tgan mavsum "Lion" safida 44 o'yinda qatnashib, 12 ta gol urgan va 20 ta golga assistentlik qilgan.