11 mar 19:14
Yangiliklar

Futbol

"Manchester Yunayted" 2 milliard funt evaziga 100 000 o'rinli yangi stadion qurilishini elon qildi

Angliyaning "Manchester Yunayted" klubi tez orada "Old Trafford" o'rniga yangi stadion qurishni boshlashni rejalashtirmoqda.

Klub "Old Trafford" hududini rekonstrukciya qilish loyihasi doirasida 100 ming tomoshabinga mo'ljallangan arena qurish niyatida ekanligini malum qildi. Seshanba kuni Foster + Partners arxitektura guruhi bo'lajak stadion va unga tutash hududning konceptual tasvirlarini taqdim etdi.

Yangi stadion Buyuk Britaniya iqtisodiyotiga yiliga 7,3 milliard funt keltirishi, qo'shimcha 92 ming ish o'rni yaratish va 17 ming yangi uy-joy qurish imkonini berishi kutilmoqda.

Qurilish qiymati taxminan 2 milliard funt sterlingga baholanmoqda.

Foster + Partners rahbari, arxitektor lord Norman Foster qurilishni 5 yil ichida yakunlashni rejalashtirayotganini aytdi.