Mariya Sakkari Parmada 1/4 finalga chiqdi

Sayyoramizning ettinchi raqamli tennis malikasi Mariya Sakkari musobaqaning chorak finaliga yo'l oldi. Greciyalik tennischi ikkinchi davra uchrashuvida WTA reytingida 114-pog'onada borayotgan niderlandiyalik Aranta Rusni 3/6, 6/2, 6/3 hisobida taslim etdi. 

Tennischilar kortda 2 soatu 37 daqiqa davomida harakat qilishgan. O'zaro uchrashuvlardagi hisob yanada yiriklashdi - 4:0. Sakkari 2, Rus 4 ta eys zarbasini amalga oshirgan. Endi Sakkari chorak finalda belgiyalik Marina Zanevskayaga qarshi kortga chiqadi.