Matbuot anjumanida Dana Uaytdan jang so'rab, unga erishgan tojikistonlik kim edi?

Qiziq holat, matbuot anjumani chog'ida muxlislar o'tirgan zaldan UFC rahbari Dana Uaytga murojaat bo'ldi. U o'ziga shartnoma so'rab, UFC oktagonida jang uchun imkoniyat berishlarini iltimos qildi. Dana Uayt uning yoshi, MMAdagi rekordini haqida so'radi va o'z yoniga chorladi. 

Bu kim edi? Vaziyatdan unumli foydalanib ketgan murojaatchi tojikistonlik Dorobshox Nabotov ekan. O'zining aytishicha, MMAda 9 ta jang o'tkazib, barchasida g'alaba qozongan. Tapology portali bergan xabarga ko'ra, 25 yoshli Nabotov uning g'alabalari 8 tani tashkil qiladi. Janglaridan 4 tasini muddatidan avval yakunlagan. 

Dana Uayt Dorobshoxni matchmeykerlar bilan uchrashtirib qo'ydi. Endi u DWCS (Dana Uayt davogarlar seriyasi)da o'zini sinab ko'radi. Agar g'alaba qozona olsa, UFC jangchisiga aylanadi. Tojikistonlik aralash yakkakurashchi engil vazn toifasi vakili bo'lib, ASA Young Eagles, Ural FC, AMC Fight Nights kabi Ligalarda jang o'tkazgan.