Maxachev eng qiziqarli raqibni elon qildi

Rossiyalik aralash yakkakurash ustasining navbatdagi raqibi Ian Machado Garri bo'lishi haqida hech qanday tasdiq yo'q. Islam Jek Della Maddalena ustidan yorqin g'alaba qozongan braziliyalik Karlos Pratesning davogarlar poygasida irlandiyalikni ortda qoldirishi mumkinligini istisno etmayapti.

"Ha, albatta, jangni jonli efirda ko'rdim. Maddalena o'zini qo'lga ola bilmadi, balki mag'lubiyatdan uzoqlasha olmadi. Prates esa ajoyib jang ko'rsatdi. UFC menga hali hech narsa aytmadi, lekin Ian Garri bilan jang qilishim haqida ko'plab mish-mishlar bor, garchi men hali bu jang haqida rasmiylar bilan gaplashmagan bo'lsam ham. Aynan u davogar bo'lishi kerak deb ishonch bilan ayta olmayman.

Hozir menda uch-to'rt davogar bor. Kamaru Usman uzoqda emas, Ian Garri, Maykl Morales, Karlos Prates, SHavkat Rahmonov va yana beshinchi – UFC tanlagan bittasi bilan jang qilishim mumkin. Qolgan ikki juftlik esa haqiqiy davogar kimligini o'zaro aniqlashlari kerak. O'ylaymanki, hozir Prates ko'proq shov-shuvda, ko'proq mish-mishlarda - u bilan jang qolganlarga qaraganda qiziqarliroq bo'lardi", - dedi rossiyalik chempion Red Corner MMA nashriga bergan intervyusida.

Malumotlarga ko'ra, Islam Maxachev 15 avgust kuni Filadelfiyada bo'lib o'tadigan UFC 330 turnirida yarim o'rta vazn toifasidagi chempionlik kamarini himoya qiladi.