29 noy 10:20
Yangiliklar

Boks/MMA

Maxachev Volkanovski - Lopes revansh jangiga izoh berdi

Islam Maxachev UFC’ning yarim engil vazn toifasi reytingida birinchi o'rinni egallab turgan Movsar Evloevni "o'yindan tashqari" holatda qoldirib ketgan jangning belgilanishiga munosabat bildirdi.

UFC promousheni reytingda birinchi o'rinni egallab turgan rossiyalik Movsar Evloevning Aleksandr Volkanovskiga raqib bo'lishini istamadi, aksincha avstraliyalikka yana Diego Lopesni berdi.

Islam Maxachev ijtimoiy tarmoqqa avstraliyalik murabbiy Jo Lopesning so'zlarini joylashtirib, ushbu yangilik chempion jamoasi uchun katta "syurpriz" bo'lganini malum qildi.

"Diego bilan yana jang qilayotganimizni bilganimizda hayratda qoldik. Hurmat bilan aytganda, Movsar Evloev va Leron Myorfi bunga ko'proq loyiq edi", - dedi avstraliyalik mutaxassis.

"SHokning o'zi ham shokda", - deya izoh berdi Maxachev murabbiyning so'zlariga.

Avvalroq dunyoning eng kuchli ligasi rahbari Dana Uayt yarim engil vazn toifasida Aleksandr Volkanovski hamda Diego Lopes o'rtasidagi chempionlik jangi 31 yanvar kuni Sidneyda bo'lib o'tadigan UFC 325 turnirining asosiy to'qnashuvi bo'lishini elon qilgandi.