Maxachevning menejeri: "Islam Aleks Pereyrani taslim bo'lishga majbur qiladi"

Rossiyalik chempionning menejeri Ali Abdel-Azizning aytishicha, Islam o'zidan yuqori va pastdagi vazn chempionlarini mag'lub eta oladi. U hatto yarimog'ir vazn toifasi chempioni Aleks Pereyrani ham taslim bo'lishga majbur qila olar ekan.

"Arman haqiqiy yirtqich va chaqilmas yong'oq. Bir kun kelib u chempion bo'ladi. Men bunga ishonaman, lekin hozir emas. Hali uning davri kelgani yo'q. U hali yosh. Bir narsaga aminmanki, bugungi kunda engil vazndan o'rta vazn toifasigacha hech kim Islamni mag'lub eta olmaydi. Unaqasi hali divizionlarda yo'q. Engil, yarim o'rta va o'rta vazn toifalarida Maxachev istalgan jangchini va xohlagan kunda enga oladi. Islamning yarimog'ir vazn chempioni Aleks Pereyrani ham yutishiga ishonaman. U braziliyalik chempionni parterda taslim bo'lishga majbur qiladi. Aleks Pereyra Islamdan boshqa sayyoramizning istalgan kishisini nokaut qila oladi", - deya Abdel-Azizning so'zlarini keltiradi MMA Junkie.