05 mar 12:55
Yangiliklar

Boks/MMA

Maxachevning menejeri Islamning mag'lubiyati yo'q UFC jangchisiga qarshi oktagonga chiqishiga munosabat bildirdi

Yarim o'rta vazn toifasida amaldagi UFC chempionining yangi vazndagi ilk himoya jangini kimga qarshi o'tkazishi ko'pchilikni qiziqtirmoqda.

Rossiyalik 34 yoshli Islam Maxachevning menejeri Ali Abdel-Aziz o'z mijozining navbatdagi raqibi yarim o'rta vazn toifasi reytingida uchinchi o'rinni egallab turgan ekvadorlik 26 yashar UFC’ning mag'lubiyatsiz jangchisi Maykl Morales ekani va ularning jangi 12 iyul kuni Las-Vegas (Nevada shtati, AQSH) shahrida bo'lib o'tishi haqidagi mish-mishlarni rad etdi.

"Feyk yangiliklar", deb yozdi Abdel-Aziz o'zining X ijtimoiy tarmog'idagi sahifasida.

Ayni paytda Maxachev UFC’da 16 ta g'alabali seriya qayd etmoqda. Islam hisobida jami 28 g'alaba va bitta mag'lubiyat bor. U oxirgi jangini UFC 322 turnirida avstraliyalik Jek Della Maddalenaga qarshi o'tkazib, g'alaba evaziga o'rta vazn toifasidagi UFC chempionligini qo'lga kiritgandi.