Mayami Filadelfiyani mag'lub etib, NBA SHarqiy konferenciyasi finaliga chiqdi

Uchrashuv Filadelfiyadagi «Wells Fargo Center» arenada bo'lib o'tdi va 99:90 hisobida mehmonlarning g'alabasi bilan yakunlandi.

SHu tariqa, seriyadagi hisob 4:2 ko'rinishiga kelib, «Mayami» foydasiga hal bo'ldi va jamoa SHarqiy konferenciya finaliga yo'l oldi.

Konferenciya finalida «Mayami» «Boston Seltiks» – «Miluoki Baks» juftligi g'olibi bilan o'ynaydi. Ayni damda ushbu jamoalarning qarama-qarshiligidagi hisob 3:2 bo'lib turibdi, «Miluoki» foydasiga.

Eslatib o'tamiz, «Mayami» chorak final seriyasida «Atlanta Xoks»ni 4:1 hisobida mag'lub etgan, «Filadelfiya» esa «Toronto Reptors»dan (4:2) ustun kelgandi.