Maykl Peyj: "Dog'istonliklar zerikarli jang ko'rsatishadi, lekin UFC`da qolishmoqda"

"Agar gap shunchaki uslubda bo'lsa, u holda kelib, uzoq vaqt davomida deyarli hamma narsani egallab olgan bazi dog'istonlik kurashchilarni eslash mumkin. Qaysidir manoda, odamlar ularning ijrosida ko'rgan narsalar ham ancha zerikarli tomosha sifatida qabul qilingan. SHunga qaramay, bu yigitlarga tashkilotda qolishga ruxsat berishadi va ular hamon shu erda", — dedi Peyj Arielb Xelvani bilan bo'lgan intervyusida.

Britaniyalik jangchini yana bir narsa — o'zining tashkilotdan haydalgani haqida ijtimoiy tarmoqlar orqali bilib olgani g'azablantirmoqda.

"Men bu haqda boshqalar bilan bir vaqtda bildim. Agar mening chiqishlarim sizga yoqmasa, men bilan gaplashing. Hech bo'lmaganda, shunda menda ustimda ishlash uchun maqsad bo'lardi va munosabatlarimiz qaysi bosqichda ekanligini aniq tushunardim. Men baribir muzokara stoliga o'tiramiz deb o'ylagandim. Hammasi aynan shunday hal qilinishini kutmagandim. Rostini aytsam, buni ancha hurmatsizlik sifatida qabul qildim", — deya qo'shimcha qildi "Venom".

SHunga qaramay, Peyj ishsiz qolishdan xavotirda emas, chunki takliflar etarli.

"Takliflar ketma-ket yog'ilib kelmoqda. Rostini aytsam, meni taklif qilmagan biror joy qolmagan deb o'ylayman. Kimni xohlasangiz ayting — ularning barchasi qiziqish bildirib, shunday deyishdi: "Biz uning nimalarga qodirligini bilamiz". Hozircha hech kimga "yo'q" demayapman. Avvaliga maqsadlarimni aniqlab olishim va ularga erishish uchun kim eng yaxshi hamkor bo'lishini tushunib olishim kerak", — deb xulosa qildi jangchi.