Meliqo'zievning sobiq raqibi Rosado SHahram G'iyosov haqida gapirdi

WBA Regular kamari uchun o'tkaziladigan mazkur jang 23 may kuni Misrning Giza shahrida tashkil etiladi.

"Bu jangda ko'proq Ketterol g'alaba qozonadi, deb o'ylayman. Lekin bu raqibning imkoniyatlari yo'q, degani emas. CHunki SHahram juda ajoyib va o'ziga xos uslubga ega, u harakatda burchaklarni tez o'zgartira oladi. Bu esa Ketterol uchun o'zining noqulay zarbalarini yo'llashni qiyinlashtiradi. 

O'zbekistondan juda ko'p kuchli jangchilar chiqyapti. Ularning uslubi raqib uchun har doim kutilmagan va murakkab hisoblanadi. SHuningdek, SHahram Joel Dias bilan shug'ullanadi. Joelning qo'l ostida tinimsiz ishlaydigan haqiqiy "qotillar" bor. Men uning shogirdlaridan biri — Bektemir Meliqo'ziev bilan ikki marta jang qilganman. SHuning uchun yaxshi bilaman — Diasning jangchilari bilan to'qnash kelganda qiyin vaziyatga tushishing aniq", dedi Rosado.