"Memfis" "Golden Steyt"ni mag'lub etib, seriyadagi farqni qisqartirdi

Unda "Memfis Grizzlis" "Golden Steyt Uorriorz"ga qarshi maydonga chiqdi. Uchrashuv mezbonlarning 134:95 hisobidagi g'alabasi bilan yakunlandi va buning evaziga jamoa seriyadagi farqni qisqartirishga muvaffaq bo'ldi – 2:3.

"Memfis" vakili Jaren Jekson 21 ochko, 8 ta riband va 3 ta samarali uzatma bilan o'yinning eng yaxshi basketbolchisi bo'ldi. "Golden Steyt" tarkibida 19 ochko, 3 ta riband va bitta assistlik bilan Klay Tompson jamoasining eng yaxshi o'yinchisi bo'ldi.

Seriyaning navbatdagi o'yini 13 may, juma kuni San-Fransiskodagi (AQSH) "Chase Center" arenasida bo'lib o'tadi. Uchrashuv Toshkent vaqti bilan 00:00 da boshlanadi.