Meyvezer va Tayson o'rtasidagi ko'rgazmali jang qoldirildi

Sentyabr oyida Menni Pakyao bilan bo'ladigan revansh bahsidan tashqari, uning Mayk Taysonga qarshi ko'rgazmali jangi ham kuzga qoldirildi. CSI Sports/FIGHT SPORTS kompaniyasi press-reliz elon qilib, 30 mayga rejalashtirilgan Meyvezer va Tayson jangi endi kuzga qoldirilganini hamda uning sanasi va joyi tez orada elon qilinishini malum qildi.

Jahon superyulduzlari Mayk Tayson va Floyd Meyvezer bu yil bahorda ko'rgazmali jang uchun shartnoma imzoladilar. Tayson mashg'ulotlarda olgan qo'l sinishidan to'liq tuzalib ketguncha biroz kutishga to'g'ri keladi. Gipsda bo'lgan Tayson tiklanmoqda va u 2026 yilning kuziga qoldirilgan jangini intiqlik bilan kutmoqda. Translyaciya sanasi, joyi va tafsilotlari tez orada elon qilinadi", - deyiladi press-relizda.

"CSI Sports/FIGHT SPORTS’ning Tayson va Meyvezer bilan tuzgan eksklyuziv shartnomalari kompaniyani yirik global sport tadbirlarining oldingi saflariga olib chiqadi hamda butun dunyo bo'ylab muxlislarga yirik shoular va tarixiy o'yinlarni taqdim etish istagini mustahkamlaydi".

27 iyun kuni Meyvezer Afinada grek kikbokschisi Mayk Zambidisga qarshi ko'rgazmali jang o'tkazadi. Yaqinda Meyvezer va Pakyao sentyabr oyida Las-Vegasda o'tkazilishi rejalashtirilgan revansh bahsini o'tkazish bo'yicha oldingi kelishmovchiliklarni hal qilgan ko'rinadi. Biroq Tayson bilan jangning kuzga qoldirilishi filippinlik bilan jangga tasir qilishi mumkin.