Milliy kurashimiz Cindao o'yinlarida!

Mamlakatning muhim transport yo'llari chorrahasi aynan Cindaoda joylashgan. SHuningdek, ushbu shahar Sariq dengiz bo'yidagi yirik portga ham egalik qiladi. Cindao juda ko'plab yirik xalqaro sport musobaqalari, nufuzli o'yinlarga ko'p bora mezbonlik qilgan.

Bundan tashqari shaharda har yili ananaviy tarzda “Qingdao martial art Games” kompleks musobaqasi ham o'tkazilib kelinadi. O'yinlar dasturidan ko'plab olimpiya va noolimpiya sport turlari o'rin olgan. 

Mazkur o'yinlarning nufuzi balandligidan unga bo'lgan qiziqish yildan-yilga ortib bormoqda. Cindao o'yinlarida ko'plab Olimpiya o'yinlari g'oliblari, jahon chempionlari ishtirok etadi.

Biz uchun ahamiyatlisi shundaki, bu yilgi bahslarda Kurash sport turining ham taqdimoti o'tkazildi. Arenaga jam bo'lgan minglab tomoshabinlar, sport rasmiylari ishtirok etgan ushbu marosimda kurashning usullari va texnikalari namoyish etildi.

Xitoy Kurash associaciyasidan olingan malumotga ko'ra, 2024 yilgi Cindao o'yinlari dasturiga milliy qadriyatimizning bir bo'lagi hisoblangan kurash ham rasmiy sport sifatida kiritiladi.

Eslatib o'tamiz, Xitoy Kurash associaciyasi tomonidan fevral oyida xitoylik kurash hakamlari uchun seminar tashkil etilgan edi. Unda 150 nafardan ziyod mutaxassislar ishtirok etishgandi. Seminarni Xalqaro kurash associaciyasi (IKA) Referi komissiyasi azosi CHo Ngay Xang boshqarib borgandi.