19 okt 13:57
Yangiliklar

Boks/MMA

Mirafzal Axtamovning LFA 194 turniridagi jangi 53-soniyadayoq to'xtatildi

Bugun AQSHning Nyu-York shahrida MMA bo'yicha LFA 194 turniri o'tkazildi.

Biz uchun ahamiyatlisi, oqshomning co-main event jangida hamyurtimiz Mirafzal Axtamov amerikalik Skotti Stokmannga qarshi oktagonga chiqdi. Jangning 53-soniyasidayoq Mirafzal raqibini bo'g'ish usuli bilan taslim etdi. Aslida Axtamovga bugun Sedrik Gunnison (7-3) raqiblik qilishi kerak edi, ammo u nomalum sabablarga ko'ra safdan chiqqandi.

Eslatib o'tamiz, Mirafzal Axtamov bundan avvalgi jangini 2023 yilning 17 noyabr kuni LFA 172 turniri doirasida Keyt Dousonga qarshi o'tkazib, g'alaba qozongandi. Uning hisobida endi 7 g'alaba va 1 durang bor. Skotti Stokman esa bugun 5-mag'lubiyatini qabul qilib oldi. Hisobidagi g'alabalari soni 10 taligicha qoldi.