MOQ rahbariyati Qashqadaryo sportining 2025 yilgi ustuvor rejalari bilan tanishdi

Tashrif davomida rasmiylar tomonidan sportning bir qator yo'nalishlarida o'rganish ishlari olib borildi.

Mutasaddilarning dastlabki manzili Qarshi Olimpiya va Paralimpiya sport turlariga tayyorlash markazi bo'ldi. Rasmiylar o'quvchilarni qishki attestaciyadan o'tkazishning yakuniy natijalari va ularning fanlarni o'zlashtirish darajasi bilan tanishishdi. Qolaversa, o'quvchilarga yaratilgan sharoitlar ham ko'zdan kechirildi.

Safar davomida viloyat sport boshqarmasining faoliyati ham o'rganildi. Qayd etish joiz, ishchi guruh Adaptiv sport turlari associaciyasi hamda federaciyalarning hududiy vakillari bilan mavjud muammolarni bartaraf etish, yoshlar uchun yanada qulayliklar yaratish borasida muntazam fikr almashib bordi. Suhbat davomida viloyat sport boshqarmasining 2025 yil uchun rejalari, jumladan, quriladigan yangi obektlar loyihasi ko'rib chiqildi.

SHuningdek, G'uzor tumanidagi sport maktabi hamda milliy va olimpiya sport turlariga ixtisoslashtirilgan maktab-internati ham ko'zdan kechirildi. Reja ko'ra, maktab-internatlari kelgusida Prezident qarori bilan Oliy sport mahorati maktabiga aylantirilishi kutilmoqda. 

SHundan kelib chiqqan holda muassasadagi o'quvchilarning qishki attestaciya natijalari va yangi tizimga o'tish jarayoni tahlil qilindi. Qolaversa, rasmiylar maktab-internatining hovlisiga ko'chat ekib, uning kelgusida yanada chiroy ochishiga hissa qo'shishdi.

Ishchi guruh safar davomida viloyat futbol akademiyasi hamda gimnastika sport turlariga ixtisoslashtirilgan sport maktabining faoliyati bilan ham tanishdi. SHuningdek, Qarshi shahridagi engil atletika maydoni, aralash jang sanati turlari, dzyudo va boks zallarini ham ko'zdan kechirib, o'quvchilar bilan samimiy suhbatlashishdi.