26 fev 17:10
Yangiliklar

Boks/MMA

Movsar Evloev Brayan Ortegaga "vyzov" tashladi

Yarimengil vazn toifasi UFC reytingida beshinchi o'rinni egallab turgan Movsar Evloev keyingi jangini Brayan Ortegaga qarshi o'tkazmoqchi.

Brayan chempionlik kamari uchun sobiq davogar hisoblanadi. Ortega jarohati sabab uzoq muddat oktagondan tashqarida bo'lgandi. U kecha oktagonga qaytdi va dvizionning sobiq vaqtinchalik chempioni Yair Rodrigesni muddatidan avval mag'lubiyatga uchratdi.

"Men Brayan Ortegaga qarshi jang o'tkazmoqchiman. G'olib kamar uchun davogar bo'lishini istayman", - dedi rossiyalik aralash yakkakurash ustasi Evloev.

Mexikoda o'tgan UFC Fight Night 237 turniriga qadar Yair Rodriges reytingda uchinchi, Ortega esa to'rtinchi o'rinni egallab turgandi. Movsar Evloev esa mag'lubiyat nimaligini bilmay kelyapti. U o'tgan oyda britaniyalik Arnold Allenni mag'lub etib, UFC`dagi sakkizinchi g'alabasini tantana qilgandi.