29 noy 09:59
Yangiliklar

Boks/MMA

Movsar Evloev Leron Merfiga "vyzov" tashladi

Yarim engil vazn toifasi UFC reytingida birinchi o'rinni egallab turgan Movsar Evloev tanlov o'ziga tushishini kutib o'tirmasdan, reytingdagi o'rnini mustahkamlash uchun faol harakat qilishga qaror qildi.

Buning uchun Evloev hozirda reytingning to'rtinchi pog'onasida borayotgan mag'lubiyatsiz Leon Merfiga qarshi jang qilmoqchi. U promoushen rahbarlari chempion Aleksandr Volkanovski uchun navbatdagi raqib sifatida o'zini tanlashmaganidan xafa bo'lmoqda.

"Leron Merfi, men senga birinchi raqamli davogar bilan jang qilish imkonini beraman. Odamlaringga men bilan chempionlik jangi bo'lib o'tadigan turnirda oktagonga chiqishga tayyor ekaningni ayt", - deb yozdi Evloev ijtimoiy tarmoqdagi sahifasida.

Bu xabar Merfining UFC Aleksandr Volkanovskini bir yildan kamroq vaqt oldin mag'lub etgan Diego Lopes bilan revansh jangini belgilaganini eshitib, hafsalasi pir bo'lganiga munosabat bo'ldi.

"Eng yoqimsiz narsa - eng buyuk yarim engil vaznli jangchilardan biri bilan jang o'tkazish imkoniyatini qo'ldan boy berish. Endi kim kuchliroq ekani muhim emas, faqat mashhurlik muhim", - deydi Merfi Volkanovski - Lopes 2 jangi haqidagi xabarga izoh berib.

Malumot uchun, 34 yoshli Leron Merfi professional MMAda 18 ta jang o'tkazib, 17 g'alaba va 1 durangga erishgan. O'sha yagona durang natijasini 2019 yilda rossiyalik Zubayra Tuxugovga qarshi jangda qayd etgan. SHu yilning avgust oyida bo'lib o'tgan so'nggi jangida u Aaron Pikoni birinchi raunddayoq nokautga uchratdi.

31 yoshli Movsar Evloev esa faoliyatidagi 19 ta jangining barchasida g'alaba qozongan. U so'nggi jangini 2024 yilning dekabrida Aljameyn Sterlingga qarshi o'tkazib, amerikalik raqibini hakamlarning yakdil qarori bilan mag'lub etgandi.