Muattar Nabieva: "Keyingi maqsad - Tokio Olimpiadasi"

Bugun kechki dasturda -55 kg vaznda termamizga ikki medalni taqdim etgan Muattar Nabieva bellashuvlardan keyingi fikrlarini bildirdi:

«Osiyo chempionatida 2 ta medalga ega chiqdim. Bundan juda ham mamnunman. Men uchun ushbu chempionat ajoyib o'tdi deya olaman. Dast ko'tarishda shaxsiy rekordimni ham yangiladim. Yaqinda vazn toifasini o'zgartirgandim. Menimcha, shu sababli ham har ikki yo'nalishda oxirgi urinishlarim ko'ngildagidek chiqmadi. Keyingi maqsad — Tokio Olimpiadasi. Mana Olimpiya o'yinlari oldidan yana bir nufuzli turnirda shohsupaga ko'tarildim. Xudo xohlasa, bundan ham yaxshi natijalarni qayd etishga harakat qilaman», - dedi Muattar Nabieva.

Xurshida Abdikulova suhbatlashdi