Muhsin Hisomiddinov Parijda tengsiz + FOTO

Aynan shu kuni orzu va muhabbat ramziga aylangan Eyfel minorasi poyida nafaqat ko'hna qitaning, balki dunyoning eng zabardast polvonlari kuch sinashadi. Nufuzli kurash bayramiga yig'ilganlar shiddatli va jozibador bahslarga guvoh bo'lish bilan birga o'zbek madaniyati, sanati va albatta milliy hunarmandchilik ko'rgazmalaridan ham bahramand bo'lishdi.

Xalqaro Kurash associaciyasi taqvim rejasidan o'rin olgan O'zbekiston Respublikasi Prezidenti sovrini uchun xalqaro turnirda dunyoning 20 ga yaqin davlatlaridan vakillar ishtirok etishdi. Kurash bahslari esa kutilganidanda shiddatli va murosasiz bo'lib o'tdi. 

Nafaqat jahon chempionlari, balki boshqa sport turlaridan ham nomdor polvonlar, Olimpiya o'yinlari ishtirokchilari, qita va dunyoda tengsiz deb topilgan eng sara polvonlar g'oliblik uchun gilamga chiqdilar.

Kurash bo'yicha 4 karra jahon chempioni, 2 karra Osiyo chempioni, Osiyo o'yinlari g'olibi Muhsin Hisomiddinov o'z tituliga Parij turniri g'olibligini ham yozishga muvaffaqt bo'ldi. U yarim final bahsida serbiyalik Aleksandr Kalabichni mag'lubiyatga uchratdi. 

Kalabich o'tgan yili Germaniyaning Frankfurt shahrida bo'lib o'tgan O'zbekiston Respublikasi Prezidenti sovrini uchun xalqaro turnirning mutloq vazn toifasida tengsiz deb topilgan edi. SHu yil Polshada bo'lib o'tgan Evropa o'yinlari doirasidagi Evropa ochiq chempionatida kumush medalni qo'lga kiritgandi.

Muhsin polvon final bahsida Evropa ochiq chempionati g'olibi Viktor Resko qarshiligini engib oltin medal hamda 3000 evro pul mukofoti bilan Toshkentga qaytadigan bo'ldi.

Ayollar o'rtasidagi bahslar yanada qiziqarli o'tdi. Unda germaniyalik Jasmin Grabovski finalda gruziyalik Elena Kebadzeni mag'lubiyatga uchratdi va Parij turniri g'olibligini qo'lga kiritdi. Ruminiyalik Byanka-Elena Prodan va kurash vatani vakilasi Sitora Husanovalar bronza medallari bilan taqdirlanishdi.

O'zbekistonning Franciyadagi elchixonasi tashabbusi bilan turnir doirasida madaniy tadbirlar ham tashkil etildi. Unda o'zbek sanatining taniqli vakillari o'z qo'shiqlari bilan ishtirokchilarga haqiqiy bayram kayfiyatini tuhfa etishdi.