Murodjon Ahmadaliev chempionlik jangi haqida: "Men tayyorman, umid qilamanki u ham"

"Jangimdan so'ng Roman - Doxeni bellashuvini tomosha qildim. Roman va uning jamoasi aynan men unga tegishli WBA kamariga asosiy davogar bo'lib turganimni qabul qilmayotgan bo'lsada, men ularning birlashishiga qarshilik ko'rsatmadim. Lekin, endi bunday bo'lmaydi, himoyalanish vaqti kelganini eslatib qo'ymoqchiman! Deni Doxiniga qarshi jangda o'zining shiddat va xarakterini yaqqol namoyon etdi. Jang haqiqatdan ham zo'r bo'ldi. Ammo, endi ikkimiz uchun ham haqiqiy sinov vaqti keldi. Men tayyorman, umid qilamanki u ham. Haqiqiy meksikalik mardlar qiyinchilikdan qo'rqishmaydi deb o'ylayman. Umid qilamanki, biz ikkimiz sentyabrda haqiqiy jang oqshomini ko'rsatib, barchaga kim kuchli ekanligini ko'rsatib qo'yamiz", - deb xabar qoldirdi Ahmadaliev Instagramdagi sahifasida.