Murodjon Ahmadaliev: "O'z vaznimdagi eng kuchlilar bilan jang qilishga tayyorman"

SHuningdek, Murodjon bo'lajak raqibi bo'lishi kutilayotgan yaponiyalik Naoya Inouega ham murojaat qildi.

"Sen endigina "Yilning eng yaxshi bokschisi" unvonini qo'lga kiritding. Vazn toifasidan qatiy nazar sen dunyoning eng yaxshi bokschilaridan biri hisoblanasan. SHu holatda sen bu chaqiruvdan qochyapsanmi? Bu absurd.

Jamoam meni barchasidan xabardor qilib turadi. Agar Inoue chempionlikdan voz kechsa, boshqasi bilan jang qilaman. Bu borada men uchun hech qanday yangilik yo'q. Lekin nomim chiqmagan desam... Men tarixdagi barchadan tezroq ikki yo'nalishda Jahon chempioni bo'ldim (sakkizinchi jangda). Etakchi telekanallarda jang qildim. Men formadaman va har qanday raqibga qarshi kurashishga tayyorman. Ustuvorliklarimga kelsak, ular oddiy – barcha unvonlarni qo'lga kiritish va eng kuchli raqiblar bilan to'qnash kelish. Kelajakda nima bo'lishini hech kim bilmaydi. Men har qanday jangga ochiqman. O'z vaznimdagi eng kuchlilar bilan jang qilishga tayyorman", dedi Ahmadaliev.

Avvalroq, WBA tashkiloti chempion Naoya Inoue hamda majburiy davogar Murodjon Ahmadaliev jangiga rasman buyruq bergan edi.