Saidyoqub Qahramonovning Tojikistondagi jangi to'liq davom etdi va kutilmagan natija bilan tugadi

Malum qilganimizdek, turnirda o'zbekistonlik UFC sobiq jangchisi Saidyoqub Qahramonov oktagonga ko'tarildi.

Mezbon yurt vakili Baxtovar Yunusovga qarshi kechgan 3 raundlik jang to'liq davom etdi. Yakunda hakamlar bir ovozdan 30-27, 30:27 va 30-26 hisoblarida tojikistonlik Baxtovar Yunusovning g'alabasini qayd etishdi.

Bu Baxtovar uchun ACA Ligasidagi debyut jang edi. Uning rekordi bugungi muvaffaqiyatdan keyin 12 ta g'alaba, 1 ta mag'lubiyat va 1 ta durangni tashkil etmoqda. Hamyurtimiz Saidyoqub Qahramonov esa o'zining uchtalik g'alabali seriyasini yo'qqa chiqardi. Endi uning rekordidagi mag'lubiyatlar 4 taga etdi.