Murodjon Ahmadalievning jang sanasi o'zgardi, u SHahram bilan bir oqshomda ringga chiqadi

Mag'lubiyat va murosa nimaligini bilmay kelayotgan yurtdoshimiz 26 aprel (Toshkentda 27 aprel tong sahar) kuni AQSHning Los-Anjeles shahridagi “Forum” arenasida meksikalik Karlos Karlsonga qarshi ringga ko'tariladi. Aslida bu jang avval elon qilinganidek, 19 aprel (Toshkentda 20 aprel tong sahar) o'tkazilishi kerak edi. 

“Sportda har qanday kutilmagan holatlar bo'lib turadi. SHu jumladan mening jangim sanasida ham o'zgarish bo'ldi. Endi avval belgilangan kundan bir hafta o'tib ringga chiqaman. Lekin raqib o'zgargani yo'q. Kutilmagan va menga bog'liq bo'lmagan o'zgarishlar uchun barchadan uzr so'rayman”, - dedi Ahmadaliev.

Etiborga molik jihati shundaki, Murodjon Ahmadaliev SHahram G'iyosov bilan bir boks oqshomida ringga chiqadi. Ettita jangning barchasida g'alaba qozongan G'iyosov shu kuni Emmanuel Teylorga qarshi jang o'tkazadi. 

Malumot uchun, 28 yoshli Karlson prof boksda 28 ta jang o'tkazgan bo'lib, ularning 23tasida g'alaba qozongan. O'n to'rtta jangda raqiblarini nokautga uchratgan. Beshta jangda mag'lubiyat alamini totib ko'rgan. Ikkita jangda nokaut bo'lgan. So'nggi 5 ta jangidan 4 tasida yutqazgan.