Muzaffar og'ir atletikachilarimiz tantanali ravishda kutib olindi FOTOREPORTAJ

Greciyaning Iraklion shahrida o'tkazilgan yoshlar o'rtasidagi Jahon chempionatida 12 ta medal qo'lga kiritgan og'ir atletikachilarimiz tantanali kutib olindi.

Yarim tun bo'lishiga qaramay, Islom Karimov nomidagi Toshkent xalqaro aeroportida Sportni rivojlantirish vazirining o'rinbosari, O'zbekiston og'ir atletika federaciyasi raisining birinchi o'rinbosari SHaxrullo Mahmudov, OAV xodimlari hamda sportchilarning ota-onalari chempionlarni tantanali ravishda kutib olishdi.

Musobaqada dunyoning 61 ta davlatidan jami 304 nafar sportchi g'oliblik uchun bahs olib borishdi. Yakuniy natijalarga ko'ra, O'zbekiston terma jamoasi jami 12 ta medalga sazovor bo'ldi, shundan 5 tasi oltin, 5 tasi kumush va 2 tasi bronza medallaridir.

Jahon chempionatida O'zbekiston sharafini 6 nafar sportchimiz himoya qildi va ular quyidagi natijalarni qayd etishdi:

Panfilova Jamila (-55 kg vazn toifasida) – 2 ta bronza;

Olimov Hojiakbar (-89 kg) – 1 ta kumush;

Jabborova Tursunoy (-87 kg) – 3 ta oltin;

Amriddinov SHarofiddin (-102 kg) – 2 ta oltin, 1ta kumush;

Mirzaboev Mirhosil (+109 kg) – 3 ta kumush medal.

Malumot uchun, og'ir atletikachilarimiz yoshlar o'rtasidagi Jahon chempionatida o'z shaxsiy rekordlarini yangilashga muvaffaq bo'lishdi.

Alimurod MAMADAMINOV, o'z muxbirimiz