13 apr 20:52
Yangiliklar

Kurash

Namanganda “Adolat kubogi” g'oliblari aniqlandi

Namangan viloyati To'raqo'rg'on tumanidagi bolalar-o'smirlar sport maktabida 2000-2001, 2002 yillarda tug'ilgan o'smirlar o'rtasida “Adolat kubogi”ning viloyat bosqichi bo'lib o'tdi.

O'zbekiston “Adolat” SPD Namangan viloyat Kengashi, viloyat belbog'li kurash federaciyasi hada To'raqo'rg'on bolalar-o'smirlar sport maktabi bilan hamkorlikda tashkil etilgan ushbu bellashuvda polvonlar reglamentga ko'ra oltita vazn toifasida kuch sinashishdi.

Qiziqarli va murosasiz o'tgan bellashuvlarning yakuniy natijalariga ko'ra, Jahongir Hayitov, Behzod Rahmatullaev, Ziyodulla Tursunboev (barchasi To'raqo'rg'on tumani), Abdulahad Nosirov (Uychi t.), Jamshid Ortiqaliev (Namangan sh.), SHohruh Rahimov (Pop t.)lar o'z vazn toifalarida g'olib bo'lishib, final bosqichiga yo'llanmani naqd qilishdi.

G'olib va sovrindor sportchilar musobaqa tashkilotchilari tomonidan diplom, medal va esdalik sovg'alari bilan mukofotlanishdi.