Namanganda O'zbekiston chempionati o'tkazilmoqda

O'zbekiston Respublikasi jismoniy tarbiya va sport vazirligi hamda O'zbekiston belbog'li kurash federaciyasining yillik-taqvim rejasidagi mazkur kubok bahslarida Qoraqalpog'iston Respublikasi, Toshkent shahri va barcha viloyatlardan 300 nafarga yaqin yosh polvonlar ishtirok etmoqda.

Ushbu musobaqada dastlab, ochilish marosimi tashkil etildi. Tabrik uchun so'z olganlar sportchilarni qutlar ekan, yurtimizda sport sohasida amalga oshirilayotgan islohotlar xususida takidlab o'tishdi va musobaqa ishtirokchilariga kuchlilar qatoridan joy olishlarida muvaffaqiyatlar tilashdi.

SHundan so'ng o'smirlar o'rtasidagi mazkur musobaqaga start berildi.

Takidlash joiz, ushbu bellashuvlarda o'g'il bolalar belbog'li kurashning erkin va klassik yo'nalishlarida 11 ta vazn toifasida o'zaro kuch sinashishayotgan bo'lishsa, qizlar erkin yo'nalishda 7 ta vaznda g'oliblik uchun kurash olib borishmoqda. Musobaqa 17 dekabrga qadar davom etadi.

Ilhom RAHMONOV tayyorladi