Namanganlik polvonlarimiz Ufa shahridagi musobaqada shohsupaga ko'tarilishdi + FOTO

Ushbu Respublika kuniga bag'ishlab o'tkazilgan xalqaro turnir shu yil sentyabr oyida Namangan shahrida Boshqordiston Respublikasi sport delegaciyasi va Namangan viloyati hokimligi o'rtasida sportni rivojlantirish buyicha tuzilgan memorandumga muvofiq tashkil etildi. 

Mazkur musobaqada Baxtiyor Turg'unpo'latov bosh murabbiyligidagi etti nafar polvonimiz belbog'li kurash bo'yicha Namangan viloyati terma jamoasi tarkibida yurtimiz sharafini himoya qilishdi.

Xalqaro turnirda shuningdek, Jahon belbog'li kurash federaciyasi (JBKA) prezidenti Aziz G'aniev, Osiyo belbog'li kurash konfederaciyasi raisi Mo'min Muratov, O'zbekiston belbog'li kurash federaciyasi raisi Ravshan Dastirov, Namangan viloyati Sportni rivojlantirish bosh boshqarmasi boshlig'i Anvarjon To'ychievlar ham ishtirok etishdi. 

Alohida takidlash lozim, Ufa shahriga tashrif buyurgan delegaciyamizni mezbonlar hamda Tashqi mehnat migraciyasi agentligi Rossiya Federaciyasidagi vakolatxonasining Boshqordiston Respublikasi Ufa shahridagi vakillari munosib tarzda kutib olishdi. 

Musobaqada sportchilarimizdan 52 kg. vazn toifasida Moxigul Ibragimova, 68 kg. da Murodjon Hamidov, 75 kg. da Abdurasul Xabibullaev, 82 kg. da Muhiddin Nuraliev, 90 kg. da Iskandar Ismoilov, 100 kg. da Rustam Umarov, +100 kg. da Latifjon Badalovlar ishtirok etib, jamoaviy bellashuvlarda finalga qadar etib kelishdi. 

Hal qiluvchi so'nggi bosqichda polvonlarimiz  mezbonlar jamoasiga qarshi kurash tushishdi va 4-3 hisobi bilan Boshqordiston jamoasining qo'li baland keldi. Final bahslarida polvonlarimizdan Murodjon Hamidov, Muhriddin Nuraliev, Rustam Umarovlar raqiblaridan ustun kelib, g'alaba qozonishdi. 

Sportchilarmiz esa yakuniy natijalarga ko'ra, shohsupaning ikkinchi pog'onasidan joy olishdi. Musobaqa yakunlangach tantanali taqdirlash marosimi tashkil etildi. Taqdirlash marosimida Boshqirdiston Respublikasi Sport vaziri R. Xabibov, JBKA prezidenti A. G'aniev, Osiyo belbog'li kurash konfederaciyasi raisi M. Muratov, O'zbekiston belbog'li kurash federaciyasi raisi R. Dastirov, Namangan viloyati Sportni rivojlantirish bosh boshqarmasi boshlig'i A. To'ychiev va boshqalar ishtirok etishdi. 

Xalqaro turnir doirasida o'zaro hamkorlikni davom ettirish xususida kelishib olindi. SHuningdek, Ufa shahrida Respublika kuniga bag'ishlangan madaniy tadbirlar o'tkazilib, unda vakillarimiz ham taklif etildi.

Ilhom RAHMONOV tayyorladi