Navbahor Hamidova licenzion turnirdagi ishtirokini g'alaba bilan boshladi

Kecha bokschilarimizning licenzion turnirdagi ishtirokini Navbahor Hamidova boshlab berdi. -66 kg vazndagi bokschimiz ilk davrada bolgariyalik Joana Nvameruega qarshi ringga ko'tarildi. 

Uch raund to'liq davom etgan jangda Hamidova hakamlarning yakdil qarori bilan 5:0 hisobida g'alaba qozondi. Endi u keyingi bosqichda Leone Myullerga qarshi ringga ko'tariladi. Germaniyalik bu bokschi to'g'ridan-to'g'ri ikkinchi davradan bahslarga qo'shiladi.      

Bugungi kun dasturidan bokschilarimiz ishtirokidagi janglar o'rin olmagan. -60 kg vazndagi bokschimiz Rashida Tagirova quraga ko'ra o'z yurishini ikkinchi bosqichdan boshlaydi. -75 kg vazndagi Aziza Zokirova esa ilk jangini latviyalik Kitija Zarbergaga qarshi o'tkazadi.