29 mar 17:27
Yangiliklar
Navbahor Hamidova prof boksda ikkinchi jangini o'tkazadi, u Zuffa Boxing Ligasiga o'tishi mumkin!
U 11 aprel kuni Farg'onada Farangiz Olimjonovaga qarshi ringga ko'tariladi. Ushbu oqshomda yana bir taniqli charm qo'lqop ustamiz Mirazizbek Mirzaxalilov ham ishtirok etadi.
O'zbekiston boks federaciyasi matbuot xizmati ushbu jang haqida bokschi va ayollar terma jamoasi bosh murabbiyi Elshod Rasulovning fikrlari bilan qiziqdi.
- Elshod Navbahor uchun asosiy maqsad baribir 2028 yilgi Los -Andjelas Olimpiadasidagi muvaffaqiyatli ishtirok hisoblanadi. Professionaldagi faoliyat unga xalaqit bermaydimi?
- Yo'q. Aksincha oraliq vaqt bo'lganda bunday janglarni o'tkazib turish zarar qilmaydi.
- Professional va havaskor boks o'rtasida baribir farq bor. Hozirgi tayyorgarlik havaskor yo'nalishga qaratilganligini inobatga olsak, qiyinchilik yuzaga kelmaydimi?
- Reyting janglari uchun ushbu tayyorgarlik etarli deb o'ylayman. Lekin jiddiy janglar, chempionlik bahslari uchun alohida hozirlik ko'rish kerak bo'ladi.
- Navbahor Dana Uaytga qarashli bo'lgan Zuffa Boxing bilan shartnoma imzoladimi?
- Navbahor hamda Aziza Zokirovaga qiziqish bildirishgan. Bu borada ishlar olib borilyapti.
- Navbahor, professional boksda debyut jangingizni o'tkazib ulgurdingiz. Bu yo'nalishga moslashish qiyin kechmadimi?
- Endigina bitta jang o'tkazdim. Hozircha biror fikr bildira olmayman. Lekin murabbiylarimning ko'rsatmalarini to'liq bajarishga harakat qildim. SHuning uchun qiyinchilikka uchramadim. Hali jiddiy janglar oldinda.
- Jiddiy janglar deganda qanday toifadagi raqibalaringiz bilan to'qnashuvni nazarda tutyapsiz?
- Albatta, professional boksdagi chempionlarga qarshi to'qnashuvni aytyapman.
- Demak, bu yo'nalishda ham istalgani bilan jang qilishga tayyorsiz?
- SHubhasiz, men raqib tanlamayman!", deydi Hamidova.

Fikrlar