Navbahor Hamidova to'liq prof boksga o'tadimi? Bokschining o'zi javob berdi

Eslatib o'tamiz, Navbahor Hamidova World Boxing tashkiloti kubogi g'olibi, uch marta jahon chempionati sovrindori ko'p karra Osiyo va O'zbekiston chempionati oltin medali sohibasi sanaladi.

- Navbahor yana bir karra O'zbekiston chempioni bo'lganligingiz bilan tabriklaymiz!

-Rahmat. 

- Bu safargi chempionat borasida qanday fikrdasiz?

- Barchasi ajoyib. Har doimgidek. 

- CHempionlikka erishish yo'lida qanchalik qiyinilik yuzaga keldi. Raqibalaringiz borasida nima deysiz?

- Har bittasini hurmat qilaman. Lekin men yaxshi jismoniy holatga ega edim.

- Siz avval 75 kgda harakat qilardingiz. Keyinchalik 66 kgga tashladingiz. Vazn qilishda muammolar bo'lmaydimi?

- Yo'q. Murabbiyimiz Elshod Rasulovning maslahati bilan shu vaznga tushdik va natijalar ham asta-sekin kelishni boshladi. 

-Siz asli Samarqand viloyatida tavallud topgansiz, to'g'rimi?

- Ha, Jomboy tumanidanman. 

-Demak, Samarqandda qizlar boksi juda yaxshi rivojlangan ekanda, Nigina O'ktamova, Sitora Turdibekovalar ham samarqandlik?

- Bularni safiga Sevara Mamatovani qo'shsak bo'ladi. Yana yoshlarimizdan juda ko'p. 

- Siz professional boksda ham debyut qildingiz. Bu yo'nalishda ham davom etasizmi?

- Har ikkisini birgalikda olib boraman.

-Aytaylik, professional boksda jang qilish uchun sizga "vyzov"lar bo'lsa, qabul qilasizmi?

- Ha, murabbiylarim bilan maslahat qilib jangga chiqaman. Sizga ham savol, masalan, kim chaqirishi mumkin, deb o'ylaysiz? 

- Misol uchun, qozog'istonlik Firuza SHaripova...

- Menimcha, boksdagi faoliyatini yakunladi. Mendan yoshi anchagina katta. Aslida, istalgani bilan jang qilaveraman.

-O'sha jahon chempionati finalidagi jangda yaxshi ikki raundni o'tkazdingiz. Lekin uchinchi raundda tashlab yubordingiz. G'alabangizga ishonib ketganmidingiz?

-Yo'q. Barcha raundlarda bor kuchim bilan harakat qilaman. SHunchaki sog'liq bilan muammo bor edi. Nasib qilsa bu safar jahon chempioni bo'laman. 

-Bu borada sizga omad tilaymiz!

-Katta rahmat. Xalqimiz qo'llab-quvvatlab tursa Olimpiada oltin medalini ham olamiz.