Navoiy viloyati bo'ylab amalga oshirilayotgan ishlar o'rganilmoqda

Safar davomida hududda mahalla yoshlari o'rtasida o'tkazilayotgan “Mahallada futbol”, “Futbolimiz kelajagi”, “CHarm to'p”, shuningdek ishchi-xodimlar o'rtasidagi “Hokim kubogi” hamda “Rahbar kubogi” kabi futbol musobaqalarining tashkil etilishi jarayonlarni ko'zdan kechirilib, mavjud muammo va kamchiliklarni o'rganish rejalashtirilgan.

Keyingi yillarda respublikamizning har bir hududlarida bo'lgani kabi Navoiy viloyatida ham bolalar futboliga bo'lgan etibor kuchaymoqda. Har bir tumanda, mahallalarda futbol maydonchalari qurilmoqda. Aholi o'rtasida turli musobaqalar tashkil etilib, futbolning ommalashuvi yo'lida keng ko'lamli ishlar amalga oshirilmoqda. 

Jumladan, Zarafshon shahri, Uchquduq va Tomdi tumanlarida mahalla yoshlari o'rtasida o'tkazilayotgan “Futbolimiz kelajagi”, “Mahallada futbol”, “CHarm to'p” musobaqalariga ham katta qiziqish bilan qaraldi. Buni ushbu musobaqalarda tumandagi barcha mahalla, ovul hamda posyolka fuqarolar yig'inlaridan jamoalar ishtirok etganidan ham bilib olish qiyin emas.

Ayni paytda butun Navoiy bo'ylab futbol musobaqalarining hududiy bosqichlari o'tkazilmoqda. G'oliblar Navoiy shahrida viloyat bosqichi g'olibligi uchun kurashish maqsadida jam bo'ladi.