Navoiyda "Universiada-2023" respublika final bosqichi bo'lib o'tdi + FOTO

Musobaqada Qoraqalpog'iston respublikasi, Toshkent shahri va viloyatlar oliy talim muassasalaridan 200 nafarga yaqin talaba-sportchilar ishtirok etdi. Ikki kun davom etgan murosasiz bahslar yakunida vazn toifalari bo'yicha g'olib va sovrindorlar aniqlandi. 

Yakunda 3 ta oltin, 2 ta kumush, 2 ta bronza medalini qo'lga kiritgan Buxoro viloyati jamoasi faxrli 1-o'rinni egalladi. Buxorolik talabalardan vazn toifalari bo'yicha Karimov Sobirjon (-60 kg), Bekmurodov Alibek (-73 kg) va Erkinov Murod (-100 kg) oltin, Farmonova Gulshod (-63 kg), Bobojonov Jaloliddin (+100 kg) kumush, Amonov Muhammadqodir (-90 kg) va Ro'zieva Marjona (+78 kg) bronza medallariga sazovor bo'lishdi

Umumjamoa hisobida ikkinchi o'rinni Xorazm viloyati terma jamoasi egallagan bo'lsa, kuchli uchlikka Surxondaryo viloyati terma jamoasi talaba sportchilari yakun yasashdi.

G'olib va sovrindor talaba sportchilar sertifikat, medal va qimmatbaho esdalik sovg'alari bilan taqdirlandilar.