02 apr 19:05
Yangiliklar

Basketbol

NBA. "Leykers" o'z uyida "Nyu-Orlean"ga yutqazib, pley-offga chiqish imkoniyatini pasaytirib yubordi + FOTO

Teglar : NBA

Los-Anjelesdagi (AQSH) Crypto.com arenada NBA'ning muntazam chempionati doirasida navbatdagi o'yin bo'lib o'tdi.

Unda "Los-Anjeles Leykers" "Nyu-Orlean Pelikans"ni qabul qildi. Uchrashuv mehmonlarning 114:111 hisobidagi g'alabasi bilan yakunlandi va natijada mezbonlar mag'lubiyatli seriyasini ketma-ket beshta o'yinga etkazishdi.

"Leykers" forvardi LeBron Jeyms 38 ochko, 8 riband va 4 samarali uzatma bilan o'yinning etakchisi bo'ldi. Jamoadoshi Entoni Devis 23 ochko, 12 riband va 6 samarali uzatma bilan dabl-dabl qayd etdi. "Nyu-Orlean"ning g'alabasiga eng katta hissani 32 ochko, 7 riband va 4 assist bilan Si Jey Makkollum va dabl-dabl muallifi Yonas Valanchyunas 17 ochko, 12 riband va 6 assist bilan qo'shdi.

Bir nechta o'yinlarda "Leykers"ga yordam berolmagan LeBron Jeyms vanihoyat ushbu uchrashuvda qaytdi. Ammo "Leykers" o'z uyida 3 ochko farqi bilan yutqazdi.

Ayni vaqtda "Leykers" G'arbiy konferenciya turnir jadvalida 11, "Nyu-Orlean" 9-o'rinni egallab turibdi.